وصّف المشكلة
اكتب، أو سجّل صوتك، أو صوّر العطل. الذكاء الاصطناعي يكتب وصف واضح للأسطة، وإنت تراجعه. بعدها اختار الوقت والعنوان.
- كتابة
- صوت
- صور
- عناوين وسيارات محفوظة
خدمات للبيت والسيارة
عندك عطل؟ الأسطة يجيك
احچي أو صوّر المشكلة، والذكاء الاصطناعي يكتبها بدالك. توصلك عروض أسعار من أسطوات قريبين، تختار الأنسب، وتدفعله كاش بعد ما يخلص.
شنو تحتاج؟
للبيت، للسيارة، وللطوارئ
للبيت
تسريب، كهرباء طافية، مبردة أو سبلت عاطل، صبغ أو تصليح.
- سبّاك
- كهربائي
- تبريد وتكييف
- صبّاغ
- نجّار
- أدوات منزلية
للسيارة
عطل بالطريق، تاير مبنچر، بطارية خلصانة، أو فحص قبل السفر.
- ميكانيكي
- بنچر
- كهرباء سيارات
- بطارية
طوارئ
ماي يطفح أو سيارة واگفة بالشارع؟ اختار طلب طارئ ويوصل لأقرب الأسطوات المتوفرين هسه.
خمس خطوات
من المشكلة لحد ما تنحل
توصلك عروض أسعار
الأسطوات القريبين يشوفون طلبك ويرسلون سعرهم. تقارن السعر والتقييم والمسافة، وتختار اللي يعجبك.
- سعر واضح
- تقييمات
- هوية موثّقة
تابعه وهو جاي
تشوف الأسطة على الخريطة لحد ما يوصل. من يوصل، تنطيه رمز الوصول اللي بتطبيقك حتى تتأكد إنه هو نفسه.
- تتبّع مباشر
- رمز وصول
إذا احتاج شي زيادة
قطعة غيار أو شغل إضافي؟ الأسطة يطلبها من التطبيق ويا سعرها، وإنت توافق أو ترفض قبل ما يكمّل.
- موافقتك أولاً
- بدون مفاجآت
ادفع كاش وقيّم
من يخلص، تدفعله مباشرة كاش. التطبيق ما ياخذ شي. وبعدها قيّمه حتى يعرف غيرك، واحفظه إذا عجبك.
- كاش للأسطة
- تقييم
- أسطوات محفوظين
أمانك أولاً
تعرف منو داخل بيتك
رمز الوصول
كل طلب إله رمز. الأسطة ما يبدي إلا بعد ما تنطيه الرمز، فتتأكد إنه نفس الشخص اللي اخترته.
هويات موثّقة
علامة «موثّق» للأسطة اللي راجع فريقنا هويته. صور الهوية ما تنعرض لأي مستخدم.
تقييمات حقيقية
بس اللي خلّصوا شغل ويا الأسطة يگدرون يقيّمونه، فالتقييم من زبائن صدگ.
تتبّع مباشر
تشوف وين صار الأسطة لحد ما يوصل، وتدردش وياه بالتطبيق بدون ما تنطي رقمك.
مجاني
تدفع للأسطة بس، مو للتطبيق
الطلب والعروض والتتبّع كلها مجانية. السعر اللي تتفق عليه تدفعه كاش للأسطة مباشرة.